العيب فى قـــــفـــايـــا

كل سنة وانتم طيبين ..ويارب كل الناس تكون قضت عيد سعيد

ده بوست خفيف كده عن مواقف حصلت فعلا اتمنى يعجبكم

.

.

كان عندنا دكتور رمد وكان بياخد الدكتوراة بتاعته من امريكا ..ففضل يكلمنا كتير عن امريكا والفرق بينا وبينهم .. فبيقول هناك الجو فعلا نضيف بيقول انا كان نفسى اشوف تراب بس مالقتش ..بيقول هناك تفضل لابس الشراب يومين ويفضل ريحته كويسة...ممكن تلبس القميص تلت ايام واللياقة بتاعته تفضل نضيفة ..وانا يااخويا اللى كنت فاكر ان العيب فى قفايا هههههههه..بس الحمد لله دلوقتى اتأكدت ان العيب مش فى قفايا

.

.

.

كنت اعرف دكتورة امتياز ..وكانت بتحكى على الشغل وكده ..وبعدين لقتها بتقول انها طول الوقت قاعدة فى الاستقبال يادوب انفخ انفخ فس فس ..انفخ انفخ فس فس ههههههه (بتقيس ضغط بس)وياريت بس كده ده كل واحدة تشوفها تقولها قسيلى الضغط والنبى ياابلة ياخراااااااااااابى بعد سبع سنين خدمة فى طب ويقولولها ياابلة (انا فى سرى كنت بقول ياحزنى يابنتى )

.

.

.

عندى زميلة ليا فى امتياز ..المهم كان جايلها عريس..المهم ايه بقى مواصفات العريس ..حاجة كده..هقولكم معاه دبلوووووووووووم ((على فكرة اللى بيعرف يصرخ ممكن يصرخ بس بالراحة مش تعملوا قلق فى المدونة) ..لقتها بتقولى انه جالها البيت وطبعا اترفض ..وبيقولها بكل ثقة ...يعنى انتى يعنى لما تتخرجى هتاخدى كام فى الشهر ايه 200 جنيه مثلا (ياربى على البجاحة)انا لو كنت مكانها غالبا كنت هجيب المأشة واجرى وراه ...او ادخل على الاوضة بتاعتى افك ملة السرير وخشبة خشبة فوق دماغه هههههه ..ولو حسيت انى لسه متغاظة هدخل على باقى سراير البيت ههههههه(خبطة فى نفوخه يارب)

.

.

وعن مغامرات صحابى مع المطبخ

ز

ز

واحدة منهم جاية تتشتكلنا منهم فى البيت ..وازاى ان هما بيعارضوها ..احكيلكم بقى ..عملت رز وياريتها ماعملته ..عملته صييص (مملح جداااااا)المهم وهما قاعدين عالسفرا كلهم قالولها ايه يابنتى ده حد يعمل رز بالشكل ده ..مرة تانية قللى الملح واللى يحتاج يبقى يحط ...قالتلهم ايد ده ..راحت بكل ثقة وتجادلهم تقولهم لالالالا ..انا اعمل الاكل صيص واللى يحتاج يشرب ميه هههههه..يعنى من الاخر تمسك معلقة الرز فى الايد والايد التانية كباية الميه ولو حسيت انك هتتعب جب طبق ميه وحط فيه الرز (ويبقى احلى طبق رز بميه وبالهنا والشفا)

.

.

.

واحدة تانية ..واضح انها كانت جعانة المهم عملت السلطة ماماتها بتقولها ايه يابنتى ده ..

حد يقطع الطماطم كبيرة بالشكل ده (قالتلها علشان ماتخرش الفايدة بتاعتها(الفيتامينات )

فدقتها وقالتلها طب حد يعملها عادبة بالشكل ده ....قالتلها ايوه علشان الضغط ياماما الضغط ..

قلتلها طب ايه البرسيم اللى انتى مخرطاه ده ..قالتلها ده مش برسيم ده بقدونس بس انا كبرتها كده تغييييير.

ماماتها طبعا اتخنقت قالتلها اشربيهاانتى بقى )

البنت فرحت وكانت سعيدة ونزلت عالطبق انقضت عليه والله يرحمه طبق السلطة كان طيب والله ههههه)

مغامـــراتى مع رونـد الاطفال

دى مواقف حصلتلى فى روند العيال الصغيرين ييييييه اقصد روند الاطفال المتشردين لالا روند الاطفال الحلوين الطعمين

ز

ز

من كام يوم كان عندنا روند وبنتعلم نعمل ال CPR فالدور جه عليا والدكتور سألنى وقالى لو جالك بيبى اقل من سنة وبلع حاجة وفاقد الوعى ومش بيتنفس تعمليله ايه؟

.

فأنا مسكت الدول وقلبته على ضهره وابتديت اضرب ولقيت الدكتور بيقولى ايه يادكتورة ده هو انتى ماضربتيش حد قبل كده

ز

فأنا رديت وقلتله لا الحقيقة يادكتور انا كنت بنضرب بس

ز

فقالى جربى تانى فابتديت اجرب قالى لالا انتى تروحى البيت تشوفى حد تضربيه وتتعلمى جربى مرة تانية يادكتورة

ز

أنا طبعا كنت اتخنقت فمسكت الدول وضربته وعمل صوت جامدقالى ايه يادكتورة ده بالراحة ........ هو انتى بتضربيه على قفاه

ز

وبعد ماعملت كل اللى ممكن يتعمل الدكتور سألنى وقالى طب لو انتى عملتيله كل ده ومافقاش تعملى ايه???????????????

ز

رديت انا بكل ثقة الحقيقة وقلتله يموووووووووت بقى يادكتور وطبعا كل الروند فضل يضحك عليا كان يوم لن انساه

ز

( ومن يومها لانى اتأكدت انى مافييش امل قررت اتخصص حاجة مافيهاش ضرب

_________________________________

.

ونظرا لاننا شغالين روند اطفال فطول الوقت بنشوف اطفال وبصراحة انا ضعيفة قدامهم وبحبهم جدا اصلهم حلوين خالص

ز

فى يوم كان فى طفل امور اوى والدكتورة واقفة بتشرح وشديدة شوية (دى مش شديدة خالص حرام دى بتعض بس )

ز

وانا اول لما لقتها دورت وشها فضلت ألعب معاه ويلعب معايا واضحكله ويضحكلى

ز

وبعدين الدكتورة جت والطفل ماسك فى ايدى وعايزنى ألعبه قلتله اسكت يابنى هتفضحنا

ز

(الدكتورة بصتلى بس الحمد لله ربنا ستر ومااخدتش كلمتين )

____________________________________

.

ولانى مجرمة بجد وبموت فى الاطفال امبارح كنا فى العنبر بنسمع وكده حالات صدر فلاقيت بيبى( مسكر كده ياخرابى حلو اوى والله)وخصوصا باسنانه اللى اكلها الفار دى

ز

بيعاكسنى من بعيد (هو اللى ابتدى والله انا مؤدبة جدا مش بعاكس غير اللى بيعاكسنى بس )

ز

وعمال يقولى معايا بيضة معايا بيضة وانتى لالا فضحكتله... وسكت الدكتور كان واقف ماكنتش عارفة ألعب انا

ز

المهم الدكتور مشى راح يشوف حالة تانية نسمع عليها( انا طبعا اخدت فرصتى )

ز

رحت للطفل ده وفضلت اعاكسه واقوله هتسكت ولا اخد البيضة وهو يخيبها منى وبعدين صحابى جم يلعبوا هما كمان (متشردين زى حالاتى طبعا)

ز

فلاقيته بيقولونا ييحوا بقى يلا ييحوا (طالعة من بؤه سكر )

ز

قلتله مش ماييحة بقى وجبتله بنوبنى فلاقيته بسألنى من بيتم ده؟(انا قلت لنفسى ايه بيتم دى مهاراتى اللغوية الطفولية لم تسعفنى على الاطلاق )

ز

قلت بس مابدهاش نستعين بمامته باعتبارته المترجم الرسمى بتاعه فقالتلى يعنى بيتكم

ز

قلت اه قلتله ايوه من بيتنا فأخدها بقى وفضلت اعاكسه وازغزغه وهو يضحك واجى على معدته واقوله بطيخة دى؟

انا ماليش دعوة انا عايزة البطيخة وعايزة كل البيض اللى انت اكلته ده

و

وهو يقولى لالا وادانى لعبة من بتوعه (وخلانى العب معاه الواد حاسس انى طفلة زيه اصلا يلا الاطفال احباب الله برضه)

ز

وصحابى مش رضى يديهم حاجة وبعدين بقى الواد تعب من كتر الضحك قالى ييحوا يلا ييحوا

اقلتله خلاص هييح بس جيب بوسةالاول

ز

وادانى طبعا ومشيت بقى بس ياربى ماشاء الله بجد ربنا يحميه لماماته والله __________________________________

.

وفى اول السنة كنت شغالة باطنة فى اليوم ده المفروض كنا نروح مستشفى مبارك نمر على وحدة الكلى ونشوف الغسيل الكلوى وكده

ز

فأحنا واحنا طالعين سألنا قالولنا الدور الخامس (هادين حيلنا ولاد الذينة دول)اللهى يوقف نموهم البعدا

ز

المهم طلعنا واحنا واقفين لاقينا النيرس بتقولنا معاكم ماسكات يابنات قلنالها لا ليه؟

ز

قالتنا اصل فى حالات اشتباه انفلونزا خنزير فى الدور ده وهى والله ماكملتش الجملة احنا كنا فى الخامس ماعرفش ازاى لقينا نفسنا فى الدور الارضى

ز

(وده طبعا يفسر مقولتنا الشهيرة الجبن سيد الاخلاق والجرى كل الجدعنة)

ز

ز

الاطفال دول اجمل حاجة فى الدنيا بجد انا بحبهم اووووووووووى ولنا مواقف حلوة كتير معاهم دول اللى انا فكراهم دلوقتى و انا مش عارفة احكى خالص لان بقالى كتييييييييير مش كتبت ادعولى بقى ان ربنا يكرمنى وابقى دكتورة اطفال

كلمات الى كل من تاهت منه نفسه

فى خلال الفترة الغريبة اللى فاتت قعدت مع نفسى كتير وقلبت فى ورقى القديم ولقيت نفسى كاتبة حاجة بعنوان a call to wake up

وكأنى كنت عارفة انى همر بالظروف دى ...ومش عارفة ليه اول لما قريت كلامى ده ابتسمت وحسيت براحة غريبة وقتها وقلت لازم احطه على مدونتى هنا علشان كل لما ادخل اشوفه والكلمات دى انا بهديها لحبيبة قلبى دكتورة ميمى وبقولك حبيبتى ده ردى على البوست بتاعك an answer

A call to wake up

(1)

May be your sky turned to black
May be you lost your own track

.
but remember that your sun so soon will be back, just put it behind your back

.
Remember, in life you have to taste the good and the bad

.
life is mixture of white and black

(2)

May be what your feet standing on is not a solid ground

.
Some things aren't real as they sound
life is full of ups and downs

.
Sometimes all you need to do is to turn

around

ز
Just listen to your rescue sound

.

.(2

(3)

.

May be you are feeling that time is low
and bad things keep coming like a flow

.
Inside you seas of anger started to grow
and you can't think of a place to go

.
Call what is happening fate
so I guess it is better to wait

.
All the sadness will fade away
and you will find your way
Just ask God and pray

فضـفـضـة

وحشتونى جداااااااااا ووحشتنى المدونة هنا
وانا داخلة النهاردة ومش عارفة هكتب ايه بس كل اللى انا حساه انى عايزة اتكلم وافضفض حاسة انى تعبانة اوى والله


عارفين احساس لما تجى حاجة توقعك وانت تحاول بكل قوتك انك تقف على رجليك من تانى وفعلا بتنجح انك تقف ومع اول بسمة بتترسم على شفايفك لانك حسيت انك خلاص قدرت تقف


تيجى ألف دمعة تانية تمحى البسمة دى ومرة بعد مرة تحاول انك تقف وبرضه تقع لدرجة انك خلاص تحس بالتعب وتحس باليأس وتحس ان مابقاش فى حد ولا حاجة فى الدنيا بتفرق معاك


اهو ده اللى انا حاسة بيه
بقى محفور جوايا نوع من الحزن غريب مابقاش عند نفس اشوف حد ولا اتكلم مع حد وحاسة لما بضحك بضحك ضحكة مزيفة مش اقدر اضحك من جوايا بجد


واللى مدايقنى بجد انى كنت انا اللى دايما بخرج اللى حواليا من اللى هما فيه دلوقتى لا عارفة اخرج لوحدى ولا سايبة حد يخرجنى ويساعدنى


ومش قادرة اتكلم يمكن لانى من جوايا متأكدة ان الكلام بدل مايريحنى هيتعبنى اكتر


بجد تعبت من نفسى وطول الوقت بدعى ربنا انى ارجع زى ماكنت
نفسى اعاكسهم فى البيت زى زمان نفسى اقعد مع بابا وافضل ارغى وارغى لحد مايقولى ارحمينى يابنتى صدعتينى


نفسى ادخل لماماتى المطبخ وهى بتحضر الاكل وافضل اعاكسها وتفضل تشكى لبابا منى وتقوله شفت البنت وشقاوتها


نفسى ارجع مع صحابى زى الاول لانى خايفة اكون خسرت حد منهم وعارفة انى قصرت فى حق ناس منهم فى وقت كانوا محتجنى اكون جانبهم وماقدرتش اكون جانبهم
يااااااااااااااه نفسى فى حاجات كتير اوووووووى


وكل اللى هقدر اقوله ياااااااااااااااااارب
(ادعولى اوى بحبكم فى الله)