ممكن طلب صغير( تحديث )

.
.

انا نزلت البوست ده تانى بناء على طلب الجمهور (جمهورة واحدة بس يانصابة )انا والله بعتذر ماكنتش اعرف انه اتقرا وعموما انا عندى امتحان شرعى برضه تانى ( دحوا يااخوانا دحوا انتم وراكم ايه ) اسيبكم مع البوست واتمنى يعجبكم

**********************
ز
ايه يابنت ياللى اسمك همسة ( ايه جابك تانى انتى مش لسه كنتى هنا قريب) معلش معلش اصل اختكم حالتها صعبة خالص وعندها امتحانات ياعينى وطالع روحها خالص


وعلشان كده عندى طلب صغير وكمان جاية هنا تطلبى ياربى ايه الناس دى


معلش بقى بصوا بقى انتم تدعولى وأى حد يقابلوكم برضه تقولوله يدعيلى اصل انتم مش عارفين اصل الامتحان ده (محتاج دعوات كل الشعب)


يلا قولوا ورايا (روحى ياهمسة يابنت طنط ام همسة ربنا يكرمك انتى وكل طلبة رابعة طب طنطا فى امتحان الشرعى ده) اللى هيبقى يوم التلات 12-5


اصل انتم مش عارفين الامتحانات دى شكلها ازاى ولا متخيلين الكم اد ايه اهئ اهئ اهئ وحتى الدح مش جايب نتيجة بس ادعولنا برضه واهى (دعوة قليلة تمنع بلاوى كتيرة وهنيالك يافاعل الخير والثواب )


وربنا شكلى هشحت خلاص واعملوا حسابكم هتفضلوا تدعوا من هنا لبعدين اه صح نسيت اقولكم على خبر بس قولولى الاول انتم اسود يعنى قلبكم جامد ماسكين نفسكم طيب


يابنتى قولى طلعت روحنا


حاضر حاضر هقول حضرتى والعياذ بالله من كلمة حضرتى بدأت امتحانات من اول شهر اربعة وهخلص ان شاء المولى الرحمن على أخر سبعة كده يعنى اربع شهور امتحانات(يعنى كله ضرب ضرب يعنى مافيش شتيمة خالص)


يلا ربنا يدينا ويديكم طولة العمر بقى واعملوا احسبكم ياتلحقونى ياماتلحقونيش يعنى ممكن بنهاية الصيف تلاقونى اختفيت بدل ماانا 160 سم تلاقونى بقيت 60 سم بس ربنا يستر والله (هبقى همسة بعد التخفيض ههههههههه)


ويارب اهدى الست الضاكتورة اللى هتحط الامتحان ده وتكون طيبة وبنت حلال وترضى عننا بقى يارب والله ان ابتديت احس اننا ال septic focus فى الدفعة من اللى اتعمل فى الروند بتاعنا طول السنة (ولا يعملوا اللى يعملوه هيتعمل فينا ايه تانى اكتر من كده )
.
.
وربنا يقوينا والله ويكرم كل الناس اللى بتمتحن وماتنسوناش من دعواتكم وربنا يباركلى فيكم يارب واستأذنكم بقى على أمل انى كمل دح الكلمتين